عقدة لوز
( 1كلغ لوز مصلوق مقشر ومطحون مع 450 غ سكر سنيدة + قبصة مسكة حرة + 2 ملاعق كبيرة ماء زهر شوية القرفة والمسكة و ملعقة صغيرة زبدة )
عجينة :
500غ دقيق +125غ زبذة + شوية ملح +قليل من الماء + شوية ديال ماءزهر
التزيين :
بياض بيضة
لوز مسلوق ومهرمش
الطريقة :
تحضير الحشوة :
نسلق اللوز ونشفوه ونخلوه ليلة كاملة بعدين نطحنوه مع السكر في الطحانة كهربائية
في اناء نعمل اللوزالمطحون مع الزبدة المدابة وماء الزهر والمستكة نجمع العجينة جيدا نعمل من العجين كويرات تم نشكلهم على شكل كورني ونتركوهم لغاية وقت الاستعمال
العجينة :
في اناء نعمل الدقيق المغربل نجوف وسطه ونحط فيه الزبدة المدابة والسكر كلاصي والملح وماء الزهر ونضيف الماء لجمع العجينة نعجنها جيدا حتى تكون لمساء نعمل منهم كويرات ونغطيهم يرتاحوا بعدين نبسطهم بالدلاك لنحصل على عجينة رقيقة جدا نقطعهم على شكل قرص 8 سنتميتر عرض بمقطع مسنن ندهن القرص ببياض البيض ونحط عليه عجين اللوز ونلفوه عليه لاعطائنا شكل كورني نكمل كل العجين والحشوة على نفس الطريقة ونشكلهم بمنقاش مسنن ونتركهم ليلة كاملة ونغمسوا رؤوسهم في بياض البيض ومن بعد في رقائق اللوز أو لوز مهرمش و نحطهم في صفيحة الفرن المدهونة بعدين ندخلهم الفرن ينضجوا 15 دقيقة ونقدموهم
ليست هناك تعليقات:
إرسال تعليق